CONCILIA

CONCILIA

apud Romanos dicta sunt, partis populi conventus, ad aliquid iubendum: Cuius generis erant, quae a Tribunis Pleb. indicebantur Comitia. Illi enim ius quidem vocandae plebis, non tamen universi populi, habuerunt. Nihilominus indifferenter Concilii Comitiorumque, ubi universus populus conveniebat, nomine utitur Livius, l. 3. etc. Vide supra in voce Comitia. Hinc Comciliabulum, de qua voce A. Gellius, l. 1. c. 7. Quali C. Gracchus verbô usus est in ordinatione, cuius titulus est. De Quinto Popilio circum Conciliabula, in qua ita scriptum est etc. Nempe Conciliabula erant loca iuxta Fesium, ubi in Concilium conveniebatur. In iis quoque ius dictum: hinc eo frequens populi confluxus, sed Foris inferiora erant. Per Conciliabula Livius intellexit extra Urbem maiora ac mincra oppida et loca. in quibus ius dicehatur. Frontinus etiam in municipiorum ius ascendisse, commemorat: Sed pro conventu quocumque etiam occipiuntur. Onomasticum. Conciliabulum, συνέδριον: et Glossae Cyrilli, ὄψις τῆς πόλεως Conciliabulum, Ant. Thysius, in A. Gellii locum praedictum. Quomodo Coloniae, Municipia, Praefecturae, Fora, Conciliabula distinguantur, vide Turnebum, Adversar. l. 1. c. 11. In Ecclesia, Concilia quid sint, vide infra, ubi de Synodis. De Canonibus eorum, quando colligi coepri, et quâ auctoritate in Ecclesia semper habiti, supria ubi de de Canonibus. De editionibus variis eorum hîc quaedam aspergam. Conciliorum Generalium Provincialiumque operosa prostant volumina, editionesque variae, quarum hae praecipuae. Prima prodiit Coloniae A. C. 1530. postea petrus Crabbe ea edidit A. C. 1551. duobus voluminibus: quem insecutus surius quatuor voluminibus illa complexus ext, A. C. 1567. Dominicus Nicolinus quinque: Severinus Binius Canonicus Colon. 8. voluminibus eadem vulgavit Colomae, A. C. 1606. et 1618. Sed et Romae Conciliorum Generalium Ecclesiae Catholicae, facta collectio est editioque Graeco-Latina, iussu Sixti V. A. C. 1608. Novissime vero Collectio Regia Lutetiae Parisiorum

prodiit, 37. voluminibus, cum Indice separatim excuso, A. C. 1636. cui cum Decretalibus Romanorum Pontificum Epistolis inserta sunt Concilia Gallica I. Sirmondi, Hispanica Garsiae Loaysaei, Anglicana Henr. Spelmanni; Lemovicense, e Bibliotheca Thuana; Florentiunm, Horatii Iustiniani etc. Gerh. von Mastricht, Histor. Iuris Ecclesiastici num. 144.